Minlərlə donmuş Sild balığının fotoları qəzet manşetlərini bəzəyib
Simsar.az xəbər verir ki, norveçli İngolf Kristinsen Nordland ərazisindəki gəzinti vaxtı qeyri-adi mənzərə ilə qarşılaşıb. Donmuş dəniz suyunun içərisində minlərlə Sild balığını görən Kristinsen heyrətini gizlədə bilməyib: “İtim Anton ilə gəzinti vaxtı gördüklərim məni təəccübləndirdi. Balıq sürüsü dəniz suyunda donmuşdu. Dənizin donduğunu çox görmüşəm, amma balıq sürüsünü bu formada görməmişdim”, - deyən İngolf Kristinsen, “Mənzərənin fotolarını çəkdim, sonra da qəzetlərə göndərdim”, - deyə fikrini tamamlayıb.
Qeyd edək ki, balıqların dönməyinə nəyin səbəb olduğunu dəqiq bilinmir. Norveç Araşdırma Mərkəzininin bəzi mütəxəssisləri isə balıqların balinalardan qaçarkən quruya çox yaxınlaşdıqları üçün donduqları ideyasını irəli sürüblər.
Xatırladaq ki, yaxın günlərdə məşhur Niaqara şəlaləsinin donmuş görüntüləri də bütün dünyada maraqla qarşılanmışdı.
Vüsal Məmmədzadə