Argentinanın çimərliyində piranyalar 70 nəfəri dişləyiblər. Simsar.az Reuters-ə istinadən xəbər verir ki, həkimlər zərərçəkənlərdən biri olan 7 yaşlı qızın əl barmağını amputasiya etmək məcburiyyətində qalıblar. Piranyaların kütləvi hücumu zamanı insanların çoxu sahilə çıxsa da, bəzilərini polis zorla çıxarmalı olub. Həmin ərazidə suyun temperaturu artıq neçə gündür ki, 37 C-dən aşağı düşmür. Təcili yardım xidmətlərinin rəhbəri bildirib ki, bu cür kütləvi hücum normal hal deyil. Qeyd edək ki, piranyalar Cənubi Amerikanın şirin sularında yaşayan balıqlardır. Onlar balıq, quş və məməlilərlərlə qidalanırlar. Onların təhlükəli olmalarına səbəb odur ki, piranyalar həmişə kütləvi şəkildə hücum edirlər.
Mələk Abbaszadə