Çin alimləri qeyri–adi bir təcrübəyə imza atıblar. Simsar.az xarici KİV-ə istinadən məlumat verir ki, 10 donuz embriyonuna dəniz anası geni vurulub. Donuzlar doğularkən təcrübənin müvəffəqiyyətlə başa çatdığı ortaya çıxıb. Belə ki, Donuz balaları tünd floresan işıqları altında yaşıl rəngdə parıldayırlar.
Buna bənzər bir metod isə keçən ay Türkiyədə gerçəkləşdirilib və fosforlu dovşanlar doğulmuşdu. Hər iki təcrübə Havay Universiteti tərəfindən hazırlanan metoda əsasən tətbiq edilib.
Təcrübədə məqsəd insanlarda olan genetik xəstəliklərin müalicəsində istifadə etməkdir. Dr.Stefan Moisyadinin sözlərinə görə, “bu texnika qan xəstəlikləri olan insanlara lazımi müalicənin vaxtında edilməsini təmin edəcək”.
Ülviyyə Cövdətqızı