Avropalı kök qadınlar qeyri-adi təklif irəli sürüblər. Belə ki, onlar üçün yaradılan saytda “Barbi”nin kökəldilməsini təklif ediblər. Simsar.az xəbər verir ki, xəbər saytda yerləşdirildikdən sonra saytın “Facebook” hesabında 38 min “bəyən”mə yığıb.
Yazının altında “Barbi”nin kökəldilmiş versiyasının şəkli yerləşdirilib. Şəkildə gəlincik qısa çəhrayı paltar və çəhrayı hündürdaban ayaqqabılarda təsvir edilib. Adi “Barbi”dən fərqli olaraq, bu “Barbi”nin dolu qolları və budları var.
Lakin bir fakt kök qadınların narazılığına səbəb olub. Belə ki, “Barbi”nin bir neçə buxağı var. Qadınlar hesab edirlər ki, bu cür bir neçə buxaq gəlinciyi gülməli göstərir. Meribet Hefford adlı qadın deyib: “Bir çox kök qadınlarda olduğu kimi mənim də ikinci buxağım var”.
Bəzi “Facebook” istifadəçiləri hesab edirlər ki, bu mənasız layihədir. Həmçinin bu layihə həyata keçsə uşaqlarda sağlam görünüş haqqında düzgün fikir formalaşmaz. Lakin elə həmin istifadəçilər normal “Barbi”nin görünüşündən də narazıdırlar.
Gəlinciyin istehsalçısı olan “Mattel” şirkəti isə bu təklifə hələlik heç bir cavab verməyib.
Mələk Abbaszadə