ABŞ-ın elan saytlarından birində “təkbuynuzlu” satışa çıxarılıb. Simsar.az xarici KİV-ə istinadən xəbər verir ki, həmin elan Craiglist saytında yerləşdirilib. Elanın sahibinin kimliyi bilinməsə də onun Nyu-Hempşir ştatında yaşadığı məlumdur. Elanda deyilir ki, 3 yaşlı erkək və 5 yaşlı dişi təkbuynuzlular satışa çıxarılıblar. Onların hər birini 930 min dollara əldə etmək olar. Onların saf qan və cins olduqları iddia olunur. Həmçinin onların “yumurtaları da” satışa çıxarılıb.
Təkbuynuzlunu almaq üçün elan sahibi ilə əlaqə saxlamaq lazımdır. Həmçinin elan sahibi bildirib ki, o ancaq ciddi alıcılarla danışacaq. Elana nə qədər insanın cavab verdiyi deyilmir. Qeyd edək ki, təkbuynuzlu alnının ortasında buynuzu olan at kimi təsvir olunan mifik varlıqdır. Bu məxluq ilk dəfə eramızdan əvvəl 5-ci əsrdə qeyd olunub. O əxlaq rəmzidir. Təkbuynuzlular haqqında əfsanə və miflərdə deyilir.
Mələk Abbaszadə