Qorxu bayramı (Halloween) qonşuları polisə zəng vurmağa vadar edib.
Simsar.az ABŞ mətbuatına istinadən xəbər verir ki, Oklahomada baş verən hadisə həm qorxu həm də gülüş doğurub. Con Malins adlı iki qız atası hər il keçirilən bayramda fərqlənmək istəyib. Bədheybətlərin və ruhların bayramında Malins qaraj qapısının üstünə qırmızı boya yaxıb və “Əzilmiş Kenni” adlandırdığı kuklanı qarajın qapısına bərkidib. Kənardan baxdıqda kukla çox real görünür. Qonşular Malinsin zarafatından xəbərsiz olduqlarından bu onları dəhşətə salıb. Onlar polisə zəng ediblər. Hadisə yerinə gələn polislər bunun bir bayram zarafatı olduğunu görüblər.