Samsung telefonları və planşetləri ABŞ-da idxal qadağası ilə qarşılaşacaq
Apple şirkətinin bir sıra patentlərinə görə bəzi köhnə Samsung vasitələri ABŞ-da qadağan olunacaq.
Avqust ayında keçirilən ABŞ Beynəlxalq Ticarət Komissiyasının yoxlaması zamanı aşkarlanıb ki, Samsung Apple-a aid olan iki patenti pozub. Məhkəməni uduzan Samsung şirkətinin bəzi məhsullarına idxal qadağası qoyulmalı idi, lakin qadağa apellyasiya məhkəməsinə qədər təxirə salındı.
Bir sıra patentlər üzrə ABŞ rəsmisi Samsung-un apellyasiya müraciətini rədd edib. Bu o deməkdir ki, idxal qadağası qüvvəyə minəcək.
Son 10 il ərzində Apple və Samsung arasında patentlər üzərində tez-tez mübahisələr baş verir.
Mələk Abbaszadə