Türkiyə futbolunun canlı əfsanəsi Hakan Şükür milli komandalarının Avropa çempionatının seçmə mərhələsindəki son uğursuzluqlarına görə klubları ittiham edib.
Dünən TRT-də yayımlanan «Stadyum» proqramında danışan Hakan «Beşiktaş»ın prezidenti Yıldırım Dəmirörənin milli komandanın uğursuzluqlarında Türkiyə Futbol Federasiyasını ittiham etməsilə razılaşmayıb.
«Milli komandanı futbolçularla kim təmin edir? Klublar! Gəlin görək, son bir ildə üç böyük klub - «Qalatasaray», «Fənərbaxça» və «Beşiktaş» milli komanda üçün hansı futbolçunu verib. Hər üç komandanın heyəti əcnəbi futbolçularla doludur, yerli futbolçular isə ehtiyatda qalır. Öz klubunda əsas heyətə düşə bilməyən futbolçu milliyə dəvət olunur. Almaniya və Azərbaycana məğlubiyyətimizdə meydanda olan da həmin futbolçular idi. Mən millinin bu uğursuzluqlarını klubların uğursuz siyasətində görürəm. «Üç böyük»lərin heyəti əcnəbi futbolçuyla doludur. Yerli oyunçular isə ehtiyatda qalıb. Onsuz da onlar çempionatda lazımi uğur əldə edə bilmirlər. Belə olan halda, heç olmasa, yerli futbolçulara özlərini göstərmək üçün şans verin» - deyə Hakan Şükür bildirib.
Verilişin qonağı olan Türkiyə futbolunun dah bir əfsanəvi ismi Sərgən Yalçın da Hakanın fikirlərinə şərik olub.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
