Azərbaycanın xarici işlər naziri Elmar Məmmədyarov Amerika Birləşmiş Ştatlarının Azərbaycana yeni təyin olunmuş fövqəladə və səlahiyyətli səfiri Metyu Brayzanı qəbul edib.
XİN-in mətbuat xidmətindən APA-ya verilən xəbərə görə, etimadnaməsinin surətini təqdim edən M. Brayza Azərbaycana səfir təyin olunmasından məmnun olduğunu deyib. Ölkələr arasında bir sıra sahələrdə əməkdaşlığın inkişaf etdirilməsi üçün geniş potensialın olduğunu vurğulayan qonaq, ABŞ-Azərbaycan əlaqələrinin dərinləşməsi istiqamətində çalışacağını bildirib.
E. Məmmədyarov Azərbaycana səfir təyin olunması münasibətilə M. Brayzanı təbrik edərək işlərində müvəffəqiyyətlər arzulayıb.