"Atletiko" (Madrid) klubunun türkiyəli futbolçusu Arda Turan daha bir komandadan təklif alıb.
Simsar.az- "AS" qəzetinə istinadən xəbər verir ki, İngiltərənin "Arsenal" klubu Ardanı transfer etməyi planlaşdırır.
Mövsümün əvvəlində Robin Van Persi və Aleksandr Sonqla yollarını ayıran "Arsenal" bu boşluğu Arda ilə doldurmaq niyyətindədir. Lakin Madrid təmsilçisi komandanın aparıcı oyunçusuna çevrilən 25 yaşlı futbolçunu satmaq niyyətində deyil. Türkiyə millisinin futbolçusunun hansı qərar verəcəyi də böyük maraq doğurur.
Qeyd edək ki, Arda ilə "Liverpul" və "İnter" klubları da yaxından maraqlanır.