.
Simsar.az-ın bölgə müxbirinin verdiyi məlumata görə, bu gün saat 19.00 radələrində Qəndob-Yalama yolunun 25-ci kilometrliyində, Xaçmaz-Bakı yolu istiqamətində hərəkət edən Xaçmazın Usta Cəlilli kənd sakini Gülmirzə Xəlil oğlu İbrahimovun idarə etdiyi VAZ 2106 avtomobili ilə yolu keçmək istəyən piyada, 1963-cü il təvəllüdlü rayonun Qımılqışlaq kənd sakini Nizam Güləli oğlu Şamatovu vurub. Piyada hadisə yerində dünyasını dəyişib.
Baş Dövlət Yol Polisi İdarəsinin istintaq və təhqiqat şöbəsinin müstəntiqi Elşən Mürsəliyevin ANS PRESS-ə verdiyi məlumata görə, piyadanın ölümünə səbəb onun avtomobilin hərəkət etdiyi yola çıxması səbəb olub. Faktla bağlı araşdırma aparılır.