37 yaşlı mütəxəssis infarktdan vəfat edib
Futbol üzrə Azərbaycan çempionatında faciə qeydə alınıb. Apasport.az saytının xəbərinə görə, bu gün U-17 liqasında keçirilən “Bakı” - “Qəbələ” matçında ölüm hadisəsi baş verib.
Belə ki, ilk yarının sonlarına yaxın qonaq komandanın baş məşqçisi Eldəniz Süleymanovun səhhəti pisləşib. Tibbi personal onun vəziyyətinin ağır olduğunu görüb, təcili xəstəxanaya aparıblar. Amma infarkt keçirən 37 yaşlı mütəxəssisin həyatını xilas etmək mümkün olmayıb.
Mərhum 1975-ci il avqustun 29-da Naxçıvanda anadan olmuşdu. Futbolçu karyerası boyunca “Arsenal” (Tula), “Stroitel”, “Jemçujina” (hamısı Rusiya), “Azəri”, “Kəpəz”, “Araz”, AMMK və “Qəbələ” kimi klubların şərəfini qoruyub.
Süleymanov karyerasını “Qəbələ”də bitirib, burada da məşqçilik fəaliyyətinə başlayıb. O, Akademiyada U-17 komandasına rəhbərlik edirdi.
Qeyd edək ki, Süleymanov infarkt keçirən zaman “Qəbələ” 2:1 hesabı ilə öndə olub. Qarşılaşma isə elə qonaq komandanın qələbəsi ilə yekunlaşıb – 3:2.
Mərhum 2 uşaq atası idi.
Allah rəhmət eləsin!
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
