.
BMT Baş Assambleyası oktyabrın 17-ni 1992-ci il 22 dekabr tarixli qərarı ilə Beynəlxalq Yoxsulluqla Mübarizə Günü olaraq təyin edib. BMT bütün dünya ölkələrini bu gün yoxsulluqla mübarizə yollarına həsr edilmiş tədbirlər keçirməyə dəvət edib, - “RİA Novosti” xəbər verir.
Müəyyən inkişafa baxmayaraq, XXI əsrdə də yoxsulluq ciddi qlobal problemlərdən biri olaraq qalır. Hazırda planetdə yaşayan 6 milyard insanın 2,8 milyardı günə 2 dollardan az məbləğə yaşayır. 1,2 milyard insan isə günə 1 dollardan da aşağı məbləğlə dolanır.
Dünyada 800 milyon insan minimal qida üçün vəsait əldə edə bilmir. Yarım milyard insan isə aclıqdan əziyyət çəkir.