Bu gün Avropa Liqasının play-off mərhələsinin cavab görüşləri keçiriləcək
Simsar.az-ın məlumatına görə, bu mərhələdə yeganə təmsilçimiz olan Bakının "Neftçi" klubu səfərdə Kiprin APOEL komandasının qonağı olacaq.
Bakıda baş tutan ilk görüşdə 1:1 hesabı qeydə alındığından cütün taleyinə məhz Nikosiyada aydınlıq gələcək. "Neftçi" qrup mərhələsinə vəsiqə qazanmaq üçün bu görüşdə mütləq qələbə qazanmalıdır.
Lakin bu oyunda qeydə alınacaq məhsuldar heç-heçə də (2:2, 3:3) "Neftçi"ni qane edəcək. APOEL klubunun buna nə dərəcədə imkan verəcəyi isə böyük maraq doğurur.
Qeyd edək ki, APOEL - "Neftçi" görüşü bu axşam, Bakı vaxtı ilə saat 22:00-da başlayacaq.
30 avqust
Avropa Liqasının play-off mərhələsinin cavab görüşü
22:00. APOEL (Kipr) - "Neftçi" (AZƏRBAYCAN) (İlk oyun - 1:1)