İnsident zamanı qonaqlardan birinin yaralandığı bildirilir
Türkiyənin “Fənərbaxça” klubunun azarkeşləri ilə Rusiyanın “Spartak” klubunun fanatları arasında dava düşüb. Simsar.az-ın Rusiya mətbuatına istinadən verdiyi məlumata görə, “Fənərbaxça” – “Spartak” oyunu öncəsi İstanbulda kassaların qarşısında insident yaşanıb. Daha doğrusu, türklər rusiyalı fanatlara daş və şuşə qablar atıblar.
Məlumata görə, “Spartak”ın azarkeşlərindən biri bıçaq yarası alıb. Bu barədə Rusiya klubunun fanarları “Twitter”də yazıblar. Ancaq bu haqda heç bir rəsmi informasiya verilmir.
Xatırladaq ki, bu gün Bakı vaxtı ilə saat 23:45-də “Şükrü Saracoğlu” stadionunda Çempionlar Liqasının pley-off raundunun cavab oyunu baş tutacaq.