Lakin məşhur ulduz karyerasını vətəni Argentinada başa vurmaq istəyir
İspaniyanın “Barselona” klubu ulduz futbolçusu Lionel Messi ilə müqavilənin müddətini bir qədər də artırmağı planlaşdırır.
İspaniya mətbuatının verdiyi məlumata görə, Kataloniya təmsilçisi komanda ilə 2016-cı ilə qədər müqaviləsi olan argentinalı futbolçuya yeni sözləşmə təklif edib.
Lakin “Barselona” Messi ilə yeni imzalanacaq müqavilənin müddətini açıqlamayıb. Bununla belə, 25 yaşlı futbolçunun karyerasının sonuna qədər “Barselona”da qalacağı istisna olunmur.
Qeyd edək ki, Messi daha öncə verdiyi açıqlamasında karyerasını vətəni Argentinada başa vuracağını bildirmişdi.