Görüş İsmət Qayıbov adına Bakıxanov qəsəbə stadionunda baş tutacaq
Azərbaycan milli komandası bu gün yoldaşlıq görüşü keçirəcək. Apasport.az saytının məlumatına görə, 2012-ci ildə ilk ev oyununa çıxacaq yığmamız Bəhreynlə qarşılaşacaq.
Asiya təmsilçisi ilə qarşılaşma komandamız üçün DÇ-2014-ün seçmə mərhələsi ərəfəsində son yoxlama oyunudur. Son sınaqda alınacaq uğurlu nəticə məsul yarışa yüksək əhval-ruhiyyədə başlamaq imkanı yaradacaq.
Bakıdakı İsmət Qayıbov adına Bakıxanov qəsəbə stadionunda baş tutacaq görüş əsas yığmamızın bu arenada ilk matçı olacaq. Tarixində 2-ci dəfə Bəhreynlə üz-üzə gələcək yığmalar saat 18:00-da meydana çıxacaq.
AZƏRBAYCAN – BƏHREYN
Baş hakim: George Vadaçkoria (Gürcüstan)
Baş hakimin köməkçiləri: Giorgi Kruaşvili, Levan Varamişvili (hər ikisi - Gürcüstan)
Dördüncü hakim: Fariz Yusifov
Hakim-inspektor: Gülağa Cabarov
AFFA nümayəndəsi: Ramiz Mustafayev
Bakı. İsmət Qayıbov adına Bakıxanov qəsəbə stadionu