İdmançılarımız final mərhələsini dördüncü başa vurublar
Azərbaycan kanoeçiləri Sergey Bezuqlıy və Maksim Prokopenkodan ibarət duet XXX London Yay Olimpiya Oyunlarının final mərhələsində mübarizə aparıblar. Simsar.az saytı xəbər verir ki, 2 nəfərlik qayıqla (C-2) 1000 metr məsafəyə seçmə yarışı lider kimi bitirən idmançılarımız həlledici sınağa saat 13:30-da çıxıblar.
İlk 750 metri birinci tamamlayan idmançılarımız sonrakı 250 metrdə birinciliyi qoruya bilməyiblər. Nəticədə 3 rəqibini önə buraxan kanoeçilərimiz 4-cü yerlə kifayətlənməli olublar.
Yarışda qızıl medalı almaniyalı cütlük Peter Kretşmer – Kurt Kuşela (Almaniya), gümüş medalı Andrey Baqdanoviç – Aleksandr Baqdanoviç (Belarus), və bürünc medalı Aleksey Korovaşkov – İlya Pervuxin (Rusiya), qazanıblar