Braziliya Meksika ilə qarşılaşacaq
London Olimpiadasında kişilər arasında futbol turnirinin finalçıları məlum olub. Bunlar Braziliya və Meksika yığmalarıdır.
Braziliyalılar finala çıxmaq uğrunda mübarizədə Koreya Respublikasının yığma komandasına 3:0 hesabı ilə qalib gəlib. Həmin görüşdə qollardan birini Moskvanın “Spartak” komandasının yeni üzvü Romula, digər iki qolu isə Leandro Damian vurub.
Braziliya yığması Olimpiadanın finalında digər yarımfinalda Yaponiya komandasına 3:1 hesabı ilə qalib gəlmiş Meksika yığması ilə qarşılaşacaq.
Həlledici matç avqustun 11-də, üçüncü yer uğrunda görüş isə avqustun 10-da keçiriləcək.
Xatırladaq ki, Braziliya tarixdə üçüncü dəfə Olimpiadanın finalına çıxıb, lakin indiyə qədər heç vaxt Olimpiadada qızıl medal qazanmayıb. Meksika yığması üçün bu final birinci olacaq.