Böyük sərnişin axının daşınması yüksək səviyyədə təmin ediləcək
Bakı Metropoliteni "Eurovision-2012" mahnı müsabiqəsinin keçiriləcəyi dövrdə Bakıda müşahidə olunacaq böyük sərnişin axınının daşınmasını yüksək səviyyədə təmin edəcək. Bu barədə cümə axşamı Simsar.az-a Bakı Metropoliteninin mətbuat xidmətinin rəhbəri Nəzakət Tanrıverdiyeva bildirib.
"Bakı Metropoliteninin stansiyalarının əməkdaşları əcnəbi turistlərin böyük axını ilə işləmək üçün xüsusi kurslar keçiblər", - o deyib.
Onun sözlərinə görə, Bakı Metropoliteni təhlükəsizlik qaydalarına xüsusi yanaşma ilə fərqlənir.
"Paytaxtda müsabiqənin keçiriləcəyi dövrdə təhlükəsizlik həmişə olduğu kimi, yüksək səviyyədə təmin olunacaq", - Tanrıverdiyeva bildirib.
"Eurovision" müsabiqəsi dövründə Bakı Metropoliteninin iş rejiminə gəldikdə, o qeyd edib ki, metropoliten rəhbərinin qərar qəbul edəcəyi halda xüsusi iş rejimi tətbiq ediləcək.
Bakı Metropoliteni 1967-ci ildən fəaliyyət göstərir və 23 stansiyaya malikdir.
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
