“Reklamlar heç bir fikir yayındırmasına səbəb ola bilməz”
Bir neçə gün öncə Simsar.az saytı orta məktəblərdə aşağı sinif şagirdləri üçün nəzərdə tutulan gündəliklərin az qala hər səhifəsində reklam yerləşdirilməsi barədə məlumat verib.
Təhsil naziri Misir Mərdanov bu gün məsələyə münasibət bildirib. Nazir qeyd edib ki, xarici ölkələrdəki gündəliklərdə də reklamlar dərc olunur: “Mən digər ölkələrin gündəliklərinə də baxmışam, onların gündəliyində də reklamların olduğunu görmüşəm. Hesab edirəm ki bu şagirdlərdə heç bir çaşqınlıq yaratmaz”.
Nazir hesab edir ki, reklamlar heç bir fikir yayındırmasına səbəb ola bilməz: “İkincisi də, gündəliyi biz nəşr etmirik. Gündəliyi nəşriyyat çap edir, bu suallara da onlar cavab versə, daha yaxşı olar”.
Nazir buraxılış imtahanlarından sonra attestatların hansı qurum tərəfindən veriləcəyi məsələsinə də münasibət bildirib: “Qanunda attestatların Təhsil Nazirliyi tərəfindən verilməsi nəzərdə tutulur. Yəqin ki, bu il də məzunlara attestatları biz verəcəyik”.
RAMİL
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
