Yunan-Roma güləşçisi Kamran Məmmədov Avropa təsnifat turnirində ən yüksək nəticəni göstərib
Bolqarıstanın paytaxtı Sofiyada Olimpiya Oyunlarına vəsiqə verən Avropa təsnifat turnirinin ikinci günündə güləşçilərimiz daha bir lisenziya qazanıblar. Simsar.az-ın məlumatına görə, yığmamızın hesabına növbəti lisenziyanı 60 kq çəkidə dərəcəsində yunan-Roma güləşçisi Kamran Məmmədov qazandırıb. O, ardıcıl olaraq Belarus, Norveç və Macarıstan güləşçilərini mübarizədən kənarlaşdırıb və finala yüksəlib və bununla, Olimpiya lisenziyasını təmin edib. Finalda isə Finlandiyalı rəqibi üzərində inamlı qələbə qazanaraq turniri qalib kimi tamamlayıb. Bütün bu görüşlər zamanı rəqiblərindən ümumilikdə 13 xal alan Kamran Məmmədov heç bir rəqibinə xal verməyib.
Xatırladaq ki, ilk gün keçirilən görüşlərdə sərbəst güləş yığmamızın üzvü 60 kq çəki dərəcəsində mübarizə aparan Toğrul Əsgərov da bütün rəqiblərindən üstün olmuş, həm Olimpiadaya lisenziya qazanmış, həm də turniri qalib kimi başa vurmuşdu.
Beləliklə, bu günə qədər güləşçilərimiz Londonda keçiriləcək Yay Olimpiya Oyunlarına 9 lisenziya qazanıblar.