Danışılmış oyunlardan adı hallanan komandalar 3 il Avrokoboklardan kənarda qalacaq
Ancaq bu cəza 5 il təxirə salınacaq. Bu müddət ərzində komandaların başqa bir danışılmış oyunda əli olmadığı halda Avropa cəzaları tamamilə qaldırılacaq. Simsar.az-ın Türkiyə mətbuatına istinadən xəbərinə görə, danışılmış oyunlarla bağlı UEFA ilə birlikdə həll axtarışına girən Türkiyə Futbol Federasiyası sona yaxınlaşdı. TFF Yunanıstanın Olympiakos Volou komandasına verilən cəzanın Türk komandaları üçün də tətbiq olunması mövzusunda UEFA ilə böyük ölçüdə razılaşdı.
UEFA meyarlarına görə danışılmış oyunlar şübhəsi komandanın bir alt liqaya salınması və Avropadakı müsabiqələrdən məhrum edilməsi cəzasını tələb edir. Ancaq TFF isə, bunun yerinə türk futbolunu rahatlaşdıracaq addımlar atılması üçün görüşmələrini davam etdirir.
Razılaşmaya əsasən danışılmış oyunlara adı qarışan ya da şübhəli komanda ən azı 3 il Avropa kuboklarından məhrum ediləcək. Ancaq bu cəza dərhal tətbiq olunmayaraq 5 il təxirə salınacaq.
Bu işə qarışan şəxslər ayrılıqda cəzalandırılacaq. Türk komandalarının 5 il ərzində hər hansı bir danışılmış oyunlarda əli olmadığı təqdirdə cəzalar tamamilə ortadan qaldırılacaq.
Buna qarşılıq Türkiyə Futbol Federasiyası tərəfindən danışılmış oyunlar istintaqındakı komandalar gələn mövsümə mənfi xalla başlama cəzası veriləcək.
UEFA bu müddətdə Türkiyə Futbol Federasiyasının aldığı qərarlara heç bir şəkildə qarışmayacaq. TFF-in verəcəyi qərar isə 1-1,5 ay içində açıqlanacaq. Buna Baş nazir Rəcəb Tayyib Ərdoğanın UEFA Konqresində etdiyi çıxışın böyük təsiri olduğu bildirilib.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
