Trabzon şəhərində boks üzrə Avropa Olimpiya təsnifat turniri davam edir
Türkiyənin Trabzon şəhərində boks üzrə Avropa Olimpiya təsnifat turnirində daha 2 idmançımız rinqə çıxıb. Azərbaycan Boks Federasiyasının mətbuat xidmətindən Simsar.az-a verilən məlumata görə, 69 kq çəki dərəcəsində mübarizə aparan Tamerlan Abdullayev İrlandiya nümayəndəsi Adam Nolanla üz-üzə gəlib.
Təssüff ki, milli komandamızın üzvü imkanlarından aşağı səviyyədə çıxış edərək, rəqibinə məğlub olub. İlk raundda 3 xalla uduzan (3:6) boksçumuz ikinci hissədə daha yaxşı təsir bağışlayıb – 11:12. Amma həlledici raunda yenidən üstünlüyü rəqibə verən Abdullayev 13:17 hesabı ilə yenilərək, Olimpiya oyunlarına lisenziya qazana bilməyib.
81 kq çəki dərəcəsində yarışan Vətən Hüseynli isə 3-cü döyüşünü də qələbə ilə başa vuraraq, yarımfinala vəsiqə əldə edib.
Həmyerlimiz fransalı dünya və Avropa çempionatının mükafatçısı Abdulkader Bouheniyanı 16:8 hesabı ilə məğlub edib. Boksçumuz yarımfinalda ingiltərəli Kellam Smitlə qarşılaşacaq. Qeyd edək ki, 81 kq çəki dərəcəsində 3 boksçu London Olimpiadasına lisenziya qazanacaq. Həmyerlimiz yarımfinalda uduzacağı halda, rəqibinin turnirin qalibi olmasını arzu etməlidir.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
