Artıq onun namizədliyi qeydə alınıb
Azərbaycan yazıçısı Kamal Abdullanın "Nobel" mükafatına namizədliyi qeydə alınıb. Bu barədə Simsar.az-a Azərbaycan Yazıçılar Birliyindən bildiriblər.
Məlumata görə, Azərbaycan yazıçısı, Bakı Slavyan Universitetinin rektoru Kamal Abdulla "Nobel" mükafatına, əsasən, "Yarımçıq əlyazma" romanına görə namizəd kimi qeydə alınıb.
Ədəbiyyat sahəsi üzrə təqdim olunacaq "Nobel" mükafatı üçün əvvəlcə uzun, sonra isə qısa namizədlər siyahısı tərtib olunacaq. Mükafat öz sahibinə dekabr ayında təqdim olunacaq.
Kamal Abdulla yazıçı, şair, ədəbi tənqidçi, alim, filologiya elmləri doktoru (1985), professor, əməkdar elm xadimi, AMEA-nın müxbir üzvü, 1983-cü ildən Azərbaycan Yazıçılar Birliyinin üzvüdür.