Harvard Universiteti yenə də birincidir
Martın 15-də dünyanın 600 ən yaxşı ali məktəbinin adları açıqlanıb. Simsar.az saytı xəbər verir ki, Böyük Britaniyanın “Times Higher Education” həftəliyinin tərtiblədiyi reytinqə ABŞ-ın Harvard Universiteti başçılıq edir.
İkinci yeri Massaçusets Texnologiya İnstitutu (ABŞ), üçüncü yeri Kembric Universiteti (Böyük Britaniya) tutur.
Ən yaxşı ali məktəblərin ilk yüzlüyündə ABŞ-ın 44 universiteti var. Yaxşı ali məktəb sayına görə ikinci yeri Böyük Britaniya tutur (10).
Moskva Dövlət Universiteti 112-ci pillədə yer alır.
Reytinq 137 ölkədən olan 17 min 500 professor və müəllim arasında sorğu əsasında hazırlanıb.