Qonşu ölkədə Yadigar İmam Kuboku turniri başa çatıb
24-26 fevral 2012-ci il tarixində İran İslam Respublikasının Qum şəhərində yunan-Roma güləşi üzrə Yadigar İmam Kuboku beynəlxalq turniri keçirilib. Azərbaycan Güləş Federasiyasından Simsar.az-a verilən məlumata görə, yığma komandanın üzvləri turniri 2 bürünc medalla başa vurub.
Məşqçilər Şaban Donat və Turac Hüseynlinin rəhbərliyi altında turnirdə iştirak edən güləşçilərimizdən Sakit Cəlilov (60 kq) və Emin Əhmədov (74 kq) fərqlənib.
İki bürünc medal qazanan yunan-Roma güləşçilərimiz komanda hesabında 3-cü olub. İran yığması birinci, Qazaxstan ikinci olub.