Yollar buz bağlayacaq
Bu gün ölkə ərazisində havanın qeyri-sabit keçəcəyi gözlənilir.
Bu barədə Simsar.Az-a məlumat Ekologiya və Təbii Sərvətlər Nazirliyinin Milli Hidrometeorologiya Departamentindən verilib.
Məlumata görə, bu gün Bakıda və Abşeron yarımadasında arabir qar yağacaq, günün ikinci yarısında tədricən kəsiləcək.
Güclü şimal-qərb küləyi əsəcək, havanın temperaturunun gecə 0-2° şaxta, gündüz 1-3° isti olacağı gözlənilir. Gecə və səhər yollar buz bağlayacaq. Qeyri-sabit hava şəraiti fevralın 21-dək davam edəcək.
Azərbaycanın rayonlarında bu gün havanın yağıntılı olacağı, sulu qar, qar yağacağı gözlənilir. Yağıntı gündüz qərb rayonlarından başlayaraq tədricən kəsiləcək, şimal-qərb küləyi arabir güclənəcək, havanın temperaturu gecə 0-3° şaxta, gündüz 0-4° isti, dağlarda gecə 5-10° şaxta, gündüz 0-5° şaxta olacaq.
Yüksək dağlıq ərazilərdə havanın minimal temperaturu 10-15° şaxta olacağı gözlənilir.