Yolda 8 yerdə qar uçqunu baş verib
Son günlər şimal bölgəsinə yağan güclü qar bir sıra problemlər yaradıb. Qubanın dağ kəndlərinə gedən yollar bağlanıb.
Qar uçqunları səbəbindən Quba-Xınalıq yolu da artıq iki gündür bağlıdır.
Qubadakı 6 saylı Yol İstismar İdarəsinin sahə rəisi Bilal Soltanovun sözlərinə görə, yolda 8 yerdə qar uçqunu baş verib. Hazırda idarənin əməkdaşları və ağır texnikası yolun açılması istiqamətində tədbirlər görür.