Voleybol klubumuz yarımfinalda Braziliyanın "Unilever" kollektivindən üstün olub
İsveçrənin Bazel şəhərində təşkil olunan qadın voleybolçular arasında "Top Volley İnternational" beynəlxalq turnirində finalçılar müəyyənləşib. Simsar.az-ın məlumatına görə, turnirin finalçısı sırasında Bakının “Rabitə” klubunun da adı var.
Yarımfinal mərhələsində Braziliyanın "Unilever" komandasını 3:0 hesabı ilə məğlub edən "Rabitə" həlledici oyunda Fransanın “Kann” komandası ilə münasibətlərinə aydınlıq gətirəcək. “Kann” isə yarımfinal mərhələsində İsveçrənin “Volero” klubunu 3:0 məğlub edərək finala vəsiqə qazanıb. Turnirə bu gün yekun vurulacaq.
Xatırladaq ki, “Rabitə” qrup mərhələsində “Kann”la görüşərək 3:0 hesabı ilə qələbə qazanmışdı.