Bakının AZAL futbol klubunun prezidenti dəyişib.
Simsar.az-ın məlumatına görə, klubun rəsmi saytında yeni rəhbərin adı Vaqif Qasımov yox, Zaur Axundov kimi göstərilib.
Axundovun ilk əmri isə Rafiq Mirzəyevi komandanın baş məşqçi postuna təsdiqləməkdən ibarət olub. Mirzəyev yaxın günlərdə yeni vəzifəsinin icrasına başlayacaq.
Qasımov Lent.az-a açıqlamasında AZAL-ın prezidenti postundan getdiyini təsdiqləyib: “Məsləhət belə olub ki, klubun prezidenti sponsor təşkilatın rəhbəri olmalıdır. Zaur Axundov da baş sponsorumuz olan “SW Holding”in rəhbəridir. Onun klub prezidenti olması münasib sayılıb. Mən bir müddətdir ki, müalicə olunurdum. Bundan sonra da AZAL-da çalışacağam. Amma vəzifəmin nədən ibarət olacağı yaxın günlərdə müəyyənləşəcək”.
Qeyd edək ki, Elşad Babayev və Fikrət Hüseynov AZAL-ın vitse-prezidenti postunda qalıblar.