Sergey Artyux: "Azərbaycanın 2-3 klubundan təklif almışam"
"Sergey Yuranın baş məşqçisi olduğu "Simurq"dan mənə maraq var. Amma bu bərədə danışmaq hələ tezdi". Fanat.az xəbər verir ki, bu sözləri "Turan"dan ayrılan Sergey Artyux deyib.
Artyux 2-3 klubumuzdan təklif aldığını bildirib: "Azərbaycanda mənim işlərimi yoluna qoymaq üçün çalışan insanlar var. Hazırda Azərbaycanın 2-3 klubundan təklif olsa da, konkret qərara gəlməmişəm. Allah qoysa, yaxınlarda hər şey həll olunacaq".
Bir müddət əvvəl Tovuz klubu ilə yollarını ayıran ukraynalı futbolçu bunun səbəbini açıqlayıb: "Maaşlarımız gecikdiyi üçün bu addımı atmalı oldum. Komandanın prezidenti bizi əmin edirdi ki, hər şey yaxşı olacaq. Amma heç nə dəyişmədi".