Hollandiyanın “Ayaks” futbol klubu öz azarkeşini cəzalandırıb.
Simsar.az-ın məlumatına görə, Uesli van V. adlı azarkeş Hollandiya Kuboku matçında meydançaya soxularaq AZ komandasının qapıçısı Esteban Alvardoya hücum edib.
18 yaşlı fanat 30 il müddətində “Ayaks”ın oyunlarını tribunalardan izləyə bilməyəcək. O, eyni zamanda görüşün yarımçıq dayandırılması səbəbindən verilən cəriməni ödəməli olacaq. Beləliklə, Hollandiya klubu İntizam Komitəsinin qərarını gözləmədən ilk cəzanı özü kəsib.
Qeyd edək ki, indiyədək Azərbaycanda azarkeşlər tərəfindən hakimlərin, oyunçuların və baş məşqçilərin döyülməsi hallarına dəfələrlə rast gəlinib. Lakin klublardan heç biri belə hərəkətə yol verən azarkeşini nəinki cəzalandırmayıb, heç tapıb hüquq-mühafizə orqanlarına təhvil verilməsi istiqamətində də iş görməyib.