Tanınmış aktyor kasıb bir mənzildə kirayə qalır
“Simsar” jurnalının baş redaktoru İradə Nurəddinqızı və əməkdaşı Səxavət Abbasov tanınmış İran aktyoru Mustafa Zəmanidən müsahibə almaq üçün İranın paytaxtı Tehran şəhərində olub.
Onlar dünya şöhrətli aktyorun kasıb və şəraitsiz bir mənzildə kirayə qalmasını təəccüblə qarşılayıblar. M.Zəmaninin hazırda yaşadığı kiçik ev əvvəllər dərzi emalatxanası kimi fəaliyyət göstərib.
“Həzrəti Yusif” filmi ilə məşhurlaşan aktyor əslən Şimali İrandan olduğunu söyləyib. Orda böyüyən M.Zəmaninin valideynləri də Şimali İrandakı evlərində yaşayır. M.Zəmani isə film çəkilişləri ilə əlaqədər Tehranda qalır.
M.Zəmani hazırda bir neçə filmə çəkilir.
Onunla geniş müsahibəni “Simsar” jurnalının doqquzuncu sayında oxuya bilərsiz.