Pul və sənədlər oğurlanıb
Rusiya futbolunun flaqmanı sayılan “Spartak”ın baş direktoru və baş məşqçisi Valeri Karpin soyğunçuların qurbanı olub. Simsar.az-ın məlumatına görə, hüquq mühafizə orqanlarındakı mənbələrdən “İnterfaks”a verilən məlumata görə, Karpin telefonla danışmaq üçün avtomobilini dayanacaqda saxlamaq istəyib.
Bu zaman naməlum şəxs maşının sağ qapısını açıb və oturacağın üstündəki çantanı götürüb. Cinayətkar avtomobilin şüşəsini qırıb və baş məşqçini hədələyib. 42 yaşlı mütəxəssis xəsarət almasa da, hücum edən şəxs tez aradan çıxıb. Çantada 200 min rubl pul və sənədlər olub.
Zərərçəkən hüquq-mühafizə orqanlarına şikayət edib. Polis oğrunu axtarır.