17 yaşadək futbolçularımız rəqibi səfərdə məğlub ediblər
17 yaşadək futbolçulardan ibarət komandalar arasında Avropa çempionatının ilkin seçmə mərhələsi start götürüb. ANS PRESS-in məlumatına görə, Azərbaycan yığması ilk oyununda xorvatiyalı həmyaşıdları ilə qarşılaşıblar. Rovin şəhərindəki Valbruna stadionunda baş tutan qarşılaşma yığmamızın 2:1 hesablı qələbəsi ilə yekunlaşıb. Xorvatiya yığmasının qapısından topları Ruslan Nəsirli və Orxan Əliyev keçirib. Komandamızın qapısına isə yeganə qolu 69-cu dəqiqədə Marko Payatsa vurub.