O, Türkiyə-Azərbaycan Yüksək Səviyyəli Strateji Əməkdaşlıq Şurasının ilk iclasında iştirak edəcək
Prezident İlham Əliyev oktyabrın 25-də Türkiyəyə səfərə yola düşüb. AzərTAc-ın məlumatına görə, dövlət başçısını paytaxtın hava limanında baş nazir Artur Rasizadə və Bakı Şəhər İcra Hakimiyyətinin başçısı Hacıbala Abutalıbov yola salıblar.
Səfərin əsas məqsədlərindən biri 2010-cu il sentyabrın 16-da təsis olunan Türkiyə-Azərbaycan Yüksək Səviyyəli Strateji Əməkdaşlıq Şurasının ilk iclasında iştirakdır. Şuranın ilk iclasında Türkiyə nümayəndə heyətinə baş nazir Rəcəb Teyyub Ərdoğan, Azərbaycan nümayəndə heyətinə isə prezident İlham Əliyev rəhbərlik edəcək.