Dramaturq onu 6 aya yazıb
Yazıçı-dramaturq Əli Əmirli 6 aydır üzərində işlədiyi “İki aktrisa üçün baş rol” pyesini artıq bitirib. Müəllifin teatral komediya kimi təqdim etdiyi, amma daha çox gərgin dramatizmi ilə seçilən bu pyes teatr həyatından bəhs edir. Əli Əmirlinin APA-ya verdiyi məlumata görə, dörd obrazın iştirak etdiyi səhnə əsərində teatr adlı sehrli bir sənətin əsas yaradıcıları - aktyor (indiki halda iki aktrisa), dramaturq və rejissor arasında baş verən mürəkkəb psixoloji münasibətlər əksini tapır.
Bu dörd nəfəri çox şey birləşdirir, amma ən vacibi və daimi olanı məhz sənət, teatr yanğısı və böyük səhnəyə məhəbbətdir: “İyirmi ildən çoxdur mənim ədəbi yaradıcılığım birbaşa teatrla bağlıdır. Bu böyük vaxt ərzində bir çox teatr kollektivləri ilə işbirliyim olub. Teatr həyatını, aktyorluğu, səhnəni özünə peşə və həyat tərzi kimi seçən insanları, konkret desəm, aktyorları öyrənmək, müşahidə etmək imkanım çox olub. Təəssüratlarım birmənalı deyil. Bu insanlar, Stanislavskinin ifadəsi ilə desək, “uşaqdırlar”, amma xeyli mürəkkəb, xeyli gözlənilməz, xeyli sevimli, bəzən qəddar, bəzən fədakar, bəzən ərköyün, hərdən çox sədaqətli, hərdən də çox unutqan və vəfasız”.
Dramaturq deyib ki, əsər Azərbaycan teatrlarının birində səhnəyə qoyulacaq.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
