Sandra Rulof ÜST-nin Avropa regional bürosunun 61-ci sesssiyasına qatılacaq
Gürcüstanın birinci xanımı Sandra Rulofs Azərbaycana gələcək. Bu barədə SalamNews-a Gürcüstanın Azərbaycandakı səfirliyindən məlumat verilib.
Gürcüstanın birinci xanımı Sandra Rulofsun Azərbaycana səfəri sentyabrın 11-12-də reallaşacaq,-deyə səfirlikdən bildiriblər.
Səfərdə əsas məqsəd həmin müddətdə Bakıda keçiriləcək Ümümdünya Səhiyyə Təşkilatının (ÜST) Avropa regional bürosunun 61-ci sessiyasında iştirak etməkdir. Səfər zamanı bir sıra ikitərəfli görüşlərin keçirilməsi istisna edilmir.
Sandra Rulofsun Azərbaycana Gürcüstan nümayəndə heyətinin tərkibində gələcək. Bu tərkibə Gürcüstanın səhiyyə naziri daxildir.
Bildirək ki, ÜST-nin Avropa regional bürosunun 61-ci sessiyası sentyabrın 12-15-də Bakıda keçiriləcək.