Müğənni YUNESKO-nun ən gözəl səsi seçildi
Özbəkistanın Səmərqənd şəhərinin məşhur Registan meydanında YUNESKO-nun himayəsi altında keçirilən “Şərq təranələri” VIII Beynəlxalq musiqi festivalı başa çatıb.
Simsar.az-ın məlumatına görə, builki festivala dünyanın 56 ölkəsindən 300-ə qədər musiqiçi qatılıb.
Festivalda Azərbaycanı təmsil edən xalq artisti Nəzakət Teymurovanın “Xarı bülbül” xalq çalğı ansamblının müşayiəti ilə ifa etdiyi xalq mahnıları böyük maraqla qarşılanıb. Xanəndə festivalda YUNESKO-nun “Ən gözəl səs” xüsusi mükafatına layiq görülüb.
Xatırladaq ki, 1997-ci ildə keçirilmiş “Şərq təranələri” I Beynəlxalq musiqi festivalında Azərbaycanı Simarə İmanova təmsil etmiş və ən yüksək mükafata – “Qran-pri”yə layiq görülmüşdü. Sonrakı illərdə bu festivalda iştirak edənlərdən Alim Qasımov, Aygün Bəylər, Qoçaq Əsgərov birinci, Zabit Nəbizadə ikinci yerləri tutmuşdular.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
