Proses İmişlidən başlayacaq
Azərbaycanda neft bazaları özəlləşdirilməyə başlayıb. İlk neft bazasını sentyabrın 20-də İmişlidə satmaq planlaşdırılır.
Əmlak Məsələləri Dövlət Komitəsi avqustun 20-də İmişlidə əvvəllər ARDNŞ-nin balansında olan neft bazasının hərraca çıxarıldığını elan edib. Neft bazası 1000 m2 ərazini tutur və 78 358 manat ($94 min) qiymətləndirilib.
ARDNŞ-nin neft bazaları ölkə prezidentinin 28 mart 2001-ci il tarixli sərəncamı ilə özəlləşməyə çıxarılıb. Bakı və rayonlardakı 27 neft bazasının satılması planlaşdırılır. Amma sonra məlum oldu ki, ARDNŞ onları satmağa tələsmir. ARDNŞ-nin keçmiş prezidenti Natiq Əliyev bildirirdi ki, bazar iqtisadiyyatı şəraitində "neft bazaları investorlar üçün maraqlı olmyacaq".
ARDNŞ mətbuat xidmətində Turan-a deyiblər ki, hazırda balansda 12 neft bazası var.
ARDNŞ Gürcüstan, Ukrayna və başqa ölkələrdə neft bazaları alır.
Azərbaycanda neft bazalarının özəlləşdirilməsi 2008-2015-ci illərdə yoxsulluğun azaldılması və davamlı inkişaf üzrə Dövlət Proqramında nəzərdə tutulub. Proqramda neft hasilatı və neft emalı müəssisələrinin də özəlləşdirilməsi nəzərdə tutulur. 08B
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
