Ruslan Bəşirlinin müraciəti təmin edilmədi
Penitensiar Xidmətin Bakıdakı 1 saylı Cəzaçəkmə Müəssisəsində “Yeni Fikir” Gənclər Təşkilatının sədri Ruslan Bəşirlinin vaxtından əvvəl azad edilməsi ilə bağlı müraciətinə baxılıb. Avqustun 22-də keçirilən prosesdə hakim Azər İsmayılov müraciəti təmin etməyib.
RATİ-nin məlumatına görə, Ruslan Bəşirlinin vəkili Tahir Xanəliyev prosesdən sonra media nümayəndələrinə deyib ki, məhkəmənin qərarı heç bir hüquqi əsasa söykənilmədən çıxarılıb: “Qərarda 2007-ci ildə Ruslan Bəşirli barəsində tətbiq edilən tənbeh tədbirləri öz əksini tapmışdı. Ancaq bu tənbeh tədbirləri bir il müddətində tətbiq edilmirsə, qüvvəsini itirmiş sayılır. 2007-ci ildən 2011-ci ilə qədər Ruslan Bəşirli barəsində heç bir tənbeh tədbiri olmayıb”. Vəkil qərardan apellyasiya şikayəti verəcəklərini vurğulayıb.
AXCP üzvü olan Ruslan Bəşirli 2005-ci il avqustun 4-də Cinayət Məcəlləsinin 278-ci maddəsi (Hakimiyyəti zorla ələ keçirmə və ya onu zorla saxlama) ilə təqsirləndirilərək həbs olunub. O, Ermənistan xüsusi xidmət orqanları ilə əməkdaşlıqda günahlandırılıb.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
