Braziliyalı futbolçu Ronaldinyo ölkəsinin yığma komandasına çağırılıb.
Braziliya komandasının baş məşqçisi Mano Menezes Ronaldinyonu sentyabrın 5-də Qana ilə keçiriləcək yoldaşlıq matçına dəvət edib.
Qeyd edək ki, Ronaldinyo sonuncu dəfə 2010-u ilin noyabrında Braziliya yığmasının tərkibində oynayıb. Mano Menezes Braziliya Futbol Konfederasiyasının rəsmi saytına açıqlamasında deyib ki, son vaxtlar Ronaldinya “Flamenqo” klubunda yaxşı oynayır və yığma komandada oynaya bilər. Keçən mövsüm Ronaldinyo 15 qol vurub.
Ronaldinyo Braziliya yığmasındakı yerini 2 il əvvəl İtaliyanın “Milan” komandasında uğursuz oyunu nəticəsində itirib. O, 2010-cu ildə Cənubi Afrikada keçirilən futbol üzrə dünya çempionatında, eyni zamanda 2011-ci ilin iyulunda Argentinada keçirilən Amerika Kubokunda Braziliya yığmasının tərkibinə daxil edilməyib.