6 İyun, 2011
"...Dünyanı şantaj edirlər"

Hüseyn Bağırov:"məlum deyil ki, Ermənistan bu siyasi məsələlərdən nə qazanmaq istəyir"

“Ermənistanın “Metsamor” atom elektrik stansiyasının fəaliyyətini davam etdirməsi dünyanı şantaj etməkdən başqa bir şey deyil”.

Simsar.az-ın məlumatına görə, bunu ekologiya və təbii sərvətlər naziri Hüseyn Bağırov jurnalistlərə açıqlamasında bildirib. Nazir artıq dünyada nüvə energetikasına münasibətin sürətlə dəyişdiyini deyib: “Hətta ən etibarlı sayılan texnologiya ilə qurulmuş, çox yüksək nizam-intizamla idarə olunan Yaponiya belə, təhlükə qarşısında qaldı. Özü də orada nə hökumət, nə də cəmiyyət təhlükənin nə dərəcədə ciddi olduğunu axıradək qiymətləndirə bilib. Dünyada nüvə və yeniləşən energetikanın faizi çox yüksək olan Almaniya kimi ölkə də bu istiqamətdə qəti addımlar atmaq fikrinə. Ermənistan isə başqa niyyətlər güdür. Çox köhnə, artıq tükənmiş bir atom elektrik stansiyasının fəaliyyətini davam etdirmək dünyanı şantaj etməkdən başqa bir şey deyil. Düşünürəm ki, burada sırf energetika ilə bağlı elementlər çox az, siyasi məsələlər daha böyükdür. Bizə məlum deyil ki, Ermənistan bu siyasi məsələlərdən nə qazanmaq istəyir və nə qazanacaq? Amma Ermənistan öz insanlarını da təhlükədə qoyaraq, qonşularını ciddi təhlükə altına salır”.

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!