Berkin Elvanın ölümünə dair istintaqı aparan prokuror Mehmet Səlimin xidməti otağında günorta saatlarında qeyri-qanuni sol təşkilat tərəfindən girov götürülməsinin ardından, xüsusi təyinatlılar Çağlayan Ədliyyəsinə gəlib.

Simsar.az-ın “Anadolu” agentliyinə istinadən verdiyi xəbərə görə, xüsusi təyinatllılardan sonra bir qrup xüsusi təlim keçmiş polis ədliyyə binasını nəzarətə götürüblər. Qrupların hər cür təhdidə qarşı hazır olduğu məlum olub.

Prokurorun otağının kiçik olması səbəbindən həyata keçiriləcək əməliyyatın müsbət nəticə verməyəcəyi ehtimalı olarsa, təhlükəsizlik qrupları danışıq yolu ilə prosesi yekunlaşdırmağı nəzərdə tutur.

*** 16:40

Türkiyədə Gezi parkı olayları zamanı polisin atdığı gözyaşardıcı qaz kapsulunun başına dəyməsi səbəbindən dünyasının dəyişən Berkin Elvanın işinə baxan prokuror terrorçular tərəfindən girov götürülüb.

Simsar.az Türkiyə KİV-nə istinadən xəbər verir ki, Çağlayandakı ofisində DHKP-C tərəfindən girov götürülən prokuroru xilas etmək üçün təhlükəsizlik qüvvələri içəri daxil olmaq istəsə də terrorçular silahdan 2 dəfə atəş açıblar.

Terrorçular yerli vaxtla saat 15:36-ya kimi 5 tələblərinin yerinə yetirilməsi üçün vaxt veriblər.

Hazırda prokuror Mehmet Selim Kirazın ofisinin yerləşdiyi binanın giriş və çıxışı polislər tərəfindən əhatəyə alınıb.

Hüseyn İbadlı