Prezident İlham Əliyevin tapşırığı ilə Azərbaycan Respublikasında yaşayan və təhsil alan 9-10-11-ci sinif şagirdləri üçün Novruz Bayramı münasibətilə cari ilin 17-20 və 21-24 mart tarixlərində maarifləndirici turlar keçirilib

Naxçıvan Muxtar Respublikasının 8 rayonunun orta məktəblərində təhsil alan şagirdlər üçün turlar müəyyən olunmuş qrafik üzrə 4 istiqamətdə (Gəncə-Göygöl-Şəmkir, İsmayıllı Qəbələ-Şəki, Quba-Qusar-Xaçmaz və Lənkəran-Masallı-Lerik) həyata keçirilib. Eyni zamanda respublikamızın Qərb, Şimal-qərb, Şimal və Cənub bölgələrinin orta məktəblərində təhsil alan şagirdlər üçün Naxçıvan Muxtar Respublikasına ekskursiya turları həyata keçirilib.
Ekskursiya turları hər bir bölgə üçün əvvəlcədən müəyyənləşdirilmiş qrafik üzrə aparılmışdır. Turlar zamanı şagirdlər bölgələrimizin zəngin tarixi, mədəniyyəti və təbiəti, həmçinin turizm potensialı ilə yerində əyani tanış olmaq imkanı əldə ediblər.

Ümumilikdə, "Ölkəmizi tanıyaq" ekskursiya turlarının üçüncü mərhələsində respublikamızın 38 şəhər və rayonlarından 720 nəfər şagird iştirak edib.

Nigar