“Rəsvi Təl – Əviv ATƏT-in Minsk Qrupunu dəstəkləyir”

Simsar.az xəbər verir ki, bunu İsrailin İrəvandakı səfiri Şmuel Meyrom News.am-a müxbirinin “İsrail Azərbaycana silah satan ölkələrdən biridir. İlin əvvəlində cəbhə xəttində bir çox münaqişə halları qeydə alınıb. Sizcə, gələcəkdə vəziyyətin gərginlikləşməməsi üçün nə etmək lazımdır?” sualına cavab verərkən deyib.

Səfir isə cavabında bildirib: “İsrail-Fələstin münaqişəsində olduğu kimi, Dağlıq Qarabağ münaqişəsində də yalnız tərəflər arasında aparılacaq birbaşa danışıqların problemin həllinə çatdıracağını güman edirik. Bu səbəblə ATƏT-in Minsk Qrupunu dəstəkləyirik”.

Səfir həmçinin 24 apreldə qondarma erməni soyqırımının 100 illiyinə həsr ediləcək tədbirdə İsrail nümayəndə heyyətinin qatılmayacağını da bildirib: “Bu il aprelin 22-də İsrailin müstəqilliyi ilə bağlı təbrik mərasimləri başlayır. 24 aprel Cümə günüdür. Cümə axşamı isə Yəhudilərin Şabatı başlayır. Bu səbəblə İsraillin rəsmi şəxsləri üçün panlı tədbirlərdə iştirak etmək asan deyil. Fikrimcə, 24 Aprel rəsmi səfərlər üçün problemli bir gün. İsrail rəsmi nümayəndə heyətinin il ərzində İrəvanı ziyarət edəcəyini ümid edirəm”.

Ş.Meyrom İsrailin nümayəndəsinin aprelin 24-də Türkiyəyə də səfər etməyəcəyini söyləyib.

Hüseyn İbadlı