1979-cu il avqustun 11-i SSRİ çempionatının güclülər dəstəsində çıxış edən Özbəkistanın “Paxtakor” klubunun futbolçuları Belarusa yola düşürdülər. Minskin “Dinamo” klubu ilə oyuna yollanan komandada əhvali-ruhiyyə qaydasında idi. Üç gün əvvəl “Zarya”nı doğma meydanda 3:1 hesabı ilə üstələyən Daşkənd klubu Belarusdan da qələbə ilə dönmək niyyətində idi. Lakin, komanda “Dinamo” ilə oyuna çıxa bilmədi. Futbolçuları Minskə aparan təyyarə Ukraynda, Dneprodzerjinsk səmasında Voronej-Kişinyov reysi ilə hərəkət edən təyyarə ilə toqquşdu...
Bir gün sonra bütün dünyanın qəzet manşetlərində göyərtəsində 178 sərişin daşıyan Tu-134 təyyarəsinin qəza xəbəri yer aldı. Xəbərdə həlak olanların 17-nin “Paxtakor” futbol klubunun üzvləri olduğu qeyd edilirdi.
Qəzadan sonra...
Heyətinin əsas üzvlərini itirən “Paxtakor” aşağı yaş qrupları, eləcə də, aşağı dəstə təmsilçilərinin futbolçuları ilə bərpa prosesi keçir. SSRİ Futbol Federasiyası da köməyini əsirgəmir. Komandanın növbəti mövsümdə də güclülər dəstəsində çıxışı üçün güzəştlər edilir.
Həlak olan futbolçuların şəkillərindən hazırlanan albomlar SSRİ-nin hər yerində əl-əl gəzir. Küçə və məktəblərə onların adları verilir.
Ölüm uçuşunda iştirak edən “Paxtakor”lular:
İqday Tazetdinov (məşqçi)
Mansur Talibcanov (komandanın meneceri)
Futbolçular:
Mixael An
Vladimir Fyodorov
Alim Aşırov
Ravil Aqışev
Konstantin Bakanov
Yuri Zaqumenniy
Aleksandr Korçionov
Nikolay Kulikov
Vladimir Makarov
Sergey Pokatılov
Viktor Çurkin
Siroyiddin Bazarov
Şuhrat İşbutayev
Vladimir Sabirov
Vladimir Çumakov
Vüsal Məmmədzadə
