Azərbaycan prezidenti İlham Əliyev Bakı Oksford məktəbinin yeni binasının açılışında iştirak edib.

Simsar.az-ın məlumatına görə, məktəbin təsisçisi Mehriban Məmmədova görülən işlərlə bağlı dövlət başçısına məlumat verib ki, təhsil ocağının binası ən müasir tələblər səviyyəsində inşa olunub.

Altımərtəbəli binanın ümumi sahəsi 30 min kv.m-dir.

Prezident İ. Əliyev Bakı Oksford məktəbinin yeni binasının rəmzi açılışını bildirən lenti kəsib. Dövlət başçısı Bakı Oksford məktəbi ilə tanış olub.

Məktəbdə şagirdlərin təlim və tərbiyəsi ilə 100 müəllim məşğul olur. Onların arasında Böyük Britaniya, ABŞ, Kanada, Kolumbiya, İsveç, Rumıniya, Malayziya, Cənubi Afrika Respublikası və Nigeriyadan olan müəllimlər də var.

Prezident İ. Əliyev təhsilin yüksək səviyyədə aparılması üçün tapşırıq və tövsiyələrini verib.