Futbol üzrə Avropa Liqasında ¼ final mərhələsinin cavab görüşləri keçirilib

Simsar.az-ın məlumatına görə, qarşılaşmaların nəticələrinə əsasən, Portuqaliyanın 3 klubu – “Portu”, “Benfika” və “Braqa” yarımfinala vəsiqə qazanıb. 

Onlardan əlavə, İspaniyanın “Vilyarreal” komandası da mərhələ adlayıb. “Portu” Rusiya “Spartak”ının qapısından hər iki qarşılaşmada 5 top keçirib. “Benfika” Hollandiyanın PSV, “Vilyarreal” isə “Tvente” klubunu üstələyib. “Braqa” nə səfərdə, nə də evdə Ukraynanın “Dinamo” (Kiyev) komandasına qalib gələ bilib. Lakin səfərdə qol vurmağı bacardığından, Portuqaliya təmsilçisi yarımfinala çıxıb. Öz meydançasında 1:1 hesablı heç-heçə etmiş “Dinamo” cavab görüşündə qol vura bilməyib. Baxmayaraq ki, oyunun 3/2 hissəsini kəmiyyətcə üstün durumda keçirib. Azlıqda qalan “Braqa” qapısının toxunulmazlığını qoruyub. Üstəlik, son dəqiqələrdə Kiyev komandasının da futbolçusu meydançadan qovulub və meydançadakı oyunçuların sayı bərabərləşib. Qolsuz heç-heçə “Dinamo”nu yarımfinala vəsiqədən məhrum edib.

Beləliklə, aprelin 28-də və mayın 5-də keçiriləcək yarımfinal görüşlərində “Braqa” “Benfika” ilə, “Portu” isə “Vilyarreal”la qarşılaşacaq. Final matçı mayın 18-də İrlandiya paytaxtındakı “Dublin Arena”da baş tutacaq.

14 aprel

“Spartak” (Moskva, Rusiya) – “Portu” (Portuqaliya) - 2:5
Artyom Dzyuba, 52. Ari, 72 - Halk, 28. Kristian Rodriges, 45. Freddi Quarin, 47. Radamel Falkao, 54. Ruben Mikael, 89
İlk oyun - 1:5

“Braqa” (Portuqaliya) – “Dinamo” (Kiyev, Ukrayna) - 0:0
Qırmızı vərəqələr: Paolo Sezar, 30 (“Braqa”) - Qoran Popov, 88 (“Dinamo”)
İlk oyun - 1:1

PSV (Hollandiya) – “Benfika” (Portuqaliya) - 2:2
Balaş Cucak, 17. Jeremeyn Lens, 25 (2:0) - Luizao, 45. Oskar Kardozo, 63-pen.
İlk oyun - 1:4

“Tvente” (Hollandiya) – “Vilyarreal” (İspaniya) - 1:3
Əmir Bayrami, 32 - Cüzeppe Rossi, 59-pen. Markos Ruben, 84-pen. Ruben Qrasia Kani, 89
Qırmızı vərəqə: Duayt Tiendalli, 59 (“Tvente”)
İlk oyun - 1:5.